नेपाली बजारमा चिनियाँ ब्राण्ड ‘स्मार्ट’ का दुई विद्युतीय कार आउने भएका छन् । स्मार्ट ईभीका लागि नेपाली बिक्रेता सीजी मोटर्सले दशैंपछि ‘स्मार्ट ह्यास वन’ (Smart #1) र ‘स्मार्ट ह्यास थ्री’ (Smart #3) नेपाल भित्र्याउन लागेको हो ।
स्मार्ट मोटर्सले जर्मनीको मर्सिडिज बेन्ज ग्रुप तथा चीनको जिली होल्डिङको जोयन्ट भेन्चरमा विद्युतीय सवारी उत्पादन गर्दै आएको छ । नेपाली बजारमा दुवै मोडेलका प्रिमियम भेरियन्ट भित्रिने बताइएको छ । यी पूर्ण विद्युतीय कम्प्याक्ट एसयूभीले कनेक्टेड कारको भविष्यलाई अघि बढाउने कम्पनीको विश्वास छ ।
दुवै मोडेलले युरोपको फाइभ स्टार एनसीएपी सेक्युरिटी रेटिङ प्राप्त गरेका छन् । यी गाडीमा पूर्ण रूपमा विद्युतीय पावरट्रेन, आधुनिक कनेक्टिभिटी, फराकिला भित्री डिजाइन, अत्याधुनिक ड्राइभर-असिस्ट प्रणाली लगायतका विशेषता छन् ।
प्रिमियम इलेक्ट्रिक कार र कनेक्टेड कारको अवधारणामा निर्माण गरिएका यी मोडलमा आकर्षक विशेषता रहेको कम्पनीको भनाइ छ । विश्वबजारमा स्मार्टका झन्डै १६ लाखभन्दा इलेक्ट्रिक गाडी बिक्री भइसकेका छन्