काठमाडौँ । सामसङ नेपालले दशैँलाई लक्षित गर्दै आफ्ना प्रिमियम फोल्डेबल स्मार्टफोनहरू ग्यालेक्सी जेड फोल्ड६ र ग्यालेक्सी जेड फ्लिप६ को मूल्यमा भारी कटौतीको घोषणा गरेको छ । कम्पनीले ग्राहकहरूलाई यी डिभाइसमा ५० हजार रुपैयाँसम्मको क्यासब्याक सुविधा दिएको छ ।
ग्यालेक्सी जेड फोल्ड६ (१२+५१२ जीबी) को मूल्य दुई लाख २९ हजार ९९९ रुपैयाँबाट घटाएर एक लाख ७९ हजार ९९९ रुपैयाँ कायम गरिएको छ । जसमा ५० हजार रुपैयाँको क्यासब्याक समावेश छ ।
त्यसैगरी, ग्यालेक्सी जेड फोल्ड६ (१२+२५६ जीबी) अब दुई लाख १४ हजार ९९९ रुपैयाँ बाट एक लाख ६४ हजार ९९९ रुपैयाँमा उपलब्ध हुनेछ । यसमा पनि ५० हजार रुपैयाँको क्यासब्याक पाइनेछ ।
ग्यालेक्सी जेड फ्लिप६ (१२+२५६ जीबी) को मूल्य एक लाख ३९ हजार ९९९ रुपैयाँबाट घटाएर ९९ हजार ९९९ रुपैयाँमा झारिएको छ । यसमा ४० हजार रुपैयाँको क्यासब्याक दिइएको छ ।
यसका अतिरिक्त, ग्राहकहरूले नेपालभरिका सामसङ स्टोरहरूमा उपलब्ध सामसङ इन्स्टा फाइनान्स सेवा मार्फत् यी स्मार्टफोनहरू शून्य प्रतिशत ब्याजदरमा सहज ईएमआईमा खरिद गर्न सक्नेछन् । यो सुविधा अन्तर्गत १८ महिनाको डिभाइस इन्स्योरेन्स पनि समावेश गरिएको छ ।
पछिल्लो अध्यावधिक: असोज ८, २०८२ २२:३३
